İran nümayəndə heyəti çərşənbə axşamı ABŞ ilə danışıqlar aparmaq üçün Pakistana gələcək.
Bu barədə müzakirələrdən xəbərdar olan İran mənbələrinə istinadən CNN məlumat yayıb.
Məlumata görə, nümayəndə heyətinin tərkibinin xarici işlər naziri Abbas Əraqçi və parlamentin sədri Məhəmməd Baqir Qalibafın da daxil olduğu əvvəlki raundla eyni olacağı gözlənilir.
İran tərəfi çərşənbə günü atəşkəsin uzadılması ilə bağlı simvolik birgə bəyanatın veriləcəyini gözləyir.
Danışıqlar uğurlu olar və ABŞ prezidenti Donald Tramp İslamabada getməyə razı olarsa, İran prezidenti də danışıqlarda iştirak edəcək.
