Almaniya və Fransa Ukraynanın Avropa İttifaqına tam üzv olmadan əvvəl təşkilatın büdcəsinə çıxış və səsvermə hüququ əldə etməsinə qarşı çıxır.
“Financial Times”ın məlumatına görə, Berlin Kiyevə “assosiativ üzv” statusu verilməsini təklif edir.
Bu status Ukraynaya Aİ toplantılarında iştirak imkanı versə də, qərarların qəbulunda səs hüququnu və maliyyə fondlarından istifadəni nəzərdə tutmur.
Fransa da oxşar yanaşmanı dəstəkləyir və bu modeli “inteqrasiya olunmuş dövlət” kimi qiymətləndirir.
Bununla belə, hər iki ölkə hesab edir ki, belə bir status Ukrayna üçün siyasi baxımdan mühüm simvolik addım ola bilər.
