Bakı. Trend:
Rusiyanın paytaxtı Moskvada metronun Sokolniç xəttind qəza baş
verib.
Trend bu barədə
Rusiya mediasına instinadən xəbər verir.
Məlumata görə, hadisə yerli vaxtla 11:00 radələrində baş verib.
Xəttdən qatı tüstünün qalxmasından sonra həmin ərazidə olan qatarın
sərnişinləri vaqonlardan çıxarılıb. Tunel daxilindən 200-ə yaxın
sərnişin təxliyə olunub.
İnsidentlə əlaqədar həmin xəttdə qatarların hərəkəti müvəqqəti
dayandırılıb. Aparılan operativ işlərdən sonra təxminən bir saat
ərzində xətt üzrə normal fəaliyyət bərpa olunub.
