Bakı. Trend:
Bu gün Bakının iki rayonunun bəzi ərazilərində qaz təchizatı
dayandırılacaq.
Bu barədə Trend-ə Azərbaycan Respublikası Dövlət Neft Şirkətinin
(SOCAR) “Azəriqaz” İstehsalat Birliyindən məlumat verilib.
Bildirilib ki, təmir-quraşdırma işlərinin aparılması məqsədilə
saat 10:00-dan etibarən Sabunçu rayonu üzrə Maştağa (bir hissəsi)
və Savalan qəsəbələrinin, Suraxanı rayonu üzrə isə Zığ kəndinin qaz
təchizatında işlər yekunlaşanadək fasilə yaranacaq.
