Bakı. Trend:
Hazırda 87 ölkəyə məxsus yük gəmiləri Fars körfəzindədir və
Hörmüz boğazından keçidi gözləyir.
Trend xəbər verir
ki, bu barədə ABŞ Silahlı Qüvvələrinin Mərkəzi Komandanlığının
(CENTCOM) rəhbəri, admiral Bred Kuper bəyanatında bildirib.
“Hazırda Fars körfəzində olan gəmilər dünyanın 87 ölkəsinin
maraqlarını təmsil edir”,-deyə Kuperin komandanlığın rəsmi saytında
yayımlanan bəyanatında deyilir.
O əlavə edib ki, ötən gün ərzində komandanlıq onlarla gəmi
sahibi və gəmiçilik şirkətləri ilə əlaqə saxlayaraq onlara Hörmüz
boğazından təhlükəsiz keçidi təmin edəcəyinə zəmanət verib.
