Bakı. Trend:
Ədliyyə Nazirliyinin Penitensiar xidmətinin əməliyyat aparatının
əməkdaşları ilə Daxili İşlər Nazirliyinin müvafiq struktur
qurumunun əməkdaşlarının birgə keçirdikləri əməliyyat-axtarış
tədbiri nəticəsində silah-sursat aşkar edilib.
Bu barədə Trend-ə Ədliyyə Nazirliyindən məlumat verilib.
Bildirilib ki, əməliyyat tədbiri zamanı məhkum tərəfindən həbs
edilməmişdən əvvəl Bakı şəhəri, Sabunçu rayonu, Maştağa qəsəbəsi,
Xanlar massivi ərazisində gizlədilmiş 1 ədəd “AKS-74U” markalı
avtomat silah, ona məxsus 1 ədəd daraq və 29 ədəd 5.45 millimetrlik
patron aşkar olunaraq götürülüb.
Faktla bağlı araşdırma aparılır.
