Bakı. Trend:
ABŞ Prezidenti Donald Tramp ölkənin ümumi dəyərinə dair
baxışlarını açıqlayıb.
Trend xəbər verir ki,
o, bu barədə “Fortune” jurnalına verdiyi müsahibədə danışıb.
Trampın sözlərinə görə, ABŞ-nin ümumi dəyəri yüzlərlə trilyon
dollar səviyyəsində qiymətləndirilə bilər.
Jurnalistlər daşınmaz əmlak sahəsində təcrübəyə malik olan
Trampdan ABŞ-ni qiymətləndirməsini və hesablamalara təbii
sərvətlərlə yanaşı, Böyük Kanyon kimi tanınmış tarixi və təbii
məkanları da daxil etməsini istəyiblər.
“Bütün bunları birlikdə nəzərə alsaq, söhbət yüzlərlə trilyon
dollardan gedə bilər”, — deyə Tramp qeyd edib.
