ABŞ işğal olunmuş Fələstin ərazilərində insan hüquqlarının vəziyyəti üzrə BMT-nin xüsusi məruzəçisi Françeska Albaneseyə qarşı əvvəllər ləğv edilmiş sanksiyaları yenidən tətbiq edib.
APA xəbər verir ki, bu barədə ABŞ Maliyyə Nazirliyinin Xarici Aktivlərə Nəzarət İdarəsinin veb saytında dərc olunmuş bildirişdə məlumat verilib.
Sənədə əsasən, ABŞ hökuməti Albaneseni, xüsusən də Beynəlxalq Cinayət Məhkəməsinin (ICC) fəaliyyəti ilə bağlı sanksiya siyahılarına yenidən daxil edib.
