Bakı. Trend:
Minifutbol üzrə Azərbaycan millisi Slovakiyanın paytaxtı
Bratislavada təşkil olunan Avropa çempionatında bu gün ikinci
oyununu keçirəcək.
Trend xəbər
verir ki, F qrupunda yer alan yığma İtaliya yığması ilə
qarşılaşacaq. Görüş Bakı vaxtı ilə saat 17:45-də başlayacaq.
Qeyd edək ki, Azərbaycan minifutbol millisi ilk turda Avstriya
kollektivini 1:0 hesabı ilə məğlub edib. Komandamız hazırda 3 xalla
F qrupuna başçılıq edir. Yığma qrupda son matçını mayın 30-da
Fransaya qarşı keçirəcək.
