Bakı. Trend:
İran və ABŞ arasında aparılan danışıqların hazırkı mərhələsində
nüvə materiallarının İslam Respublikasından çıxarılması məsələsi
müzakirə olunmur.
Trend xəbər verir
ki, bu barədə İran Ali Milli Təhlükəsizlik Şurası katibinin müavini
Əli Baqeri Kani “İzvestiya”ya bildirib.
“Mən deyə bilərəm ki, hazırda gündəlikdə duran məsələ
müharibənin başa çatdırılmasıdır. Digər mövzular, o cümlədən
materialların çıxarılması ilə bağlı heç bir məsələni müzakirə
etmirik”, – deyə o bildirib.
Əli Baqeri Kani həmçinin qeyd edib ki, diplomatik proses artıq
uzun müddətdir davam edir, lakin onun yekun nəticəsi birbaşa
Vaşinqtonun mövqeyi və praqmatizmindən asılıdır.
