Bakı. Trend:
Dəniz blokadasının başlanğıcından bəri ABŞ Hərbi Dəniz Qüvvələri
artıq İranla əlaqəli olan və həmin ölkənin limanlarına gedən və ya
oradan çıxan 118 ticarət gəmisini ələ keçirib.
Trend-in
məlumatına görə, bu barədə ABŞ-ın Yaxın Şərqdəki Mərkəzi
Komandanlığı (CENTCOM) xəbər verib.
“31 may tarixinə olan məlumata görə, blokadanı tətbiq etmək üçün
118 ticarət gəmisi yönləndirilib və beş gəmi fəaliyyətdən
kənarlaşdırılıb”, – deyə bildirilib.
Mərkəzi Komandanlıq (CENTCOM) bildirib ki, blokada İran
limanlarına və sahil ərazilərinə, o cümlədən Fars körfəzindəki və
Oman körfəzindəki bütün İran limanlarına daxil olan və ya çıxan
bütün ölkələrin gəmilərinə qarşı tətbiq olunmağa davam edir.
Qeyd edək ki, ötən gün Mərkəzi Komandanlıq (CENTCOM) bildirib
ki, Amerika qüvvələri blokada çərçivəsində Oman körfəzindəki İran
limanına girməyə çalışan Qambiya bayrağı altında üzən “Lian Star”
gəmisini sıradan çıxarıb.
