ABŞ dövlət katibi Marko Rubio 2026-cı ilin sonunadək Mərkəzi Asiya ölkələrinə səfər edəcəyini açıqlayıb.
APA xəbər verir ki, Rubio bu barədə Konqresin Nümayəndələr Palatasının Xarici Əlaqələr Komitəsində keçirilən dinləmələr zamanı danışıb.
Onun sözlərinə görə, ABŞ region ölkələri ilə C5+1 formatında görüş keçirməyi planlaşdırır və o da həmin tədbirdə iştirak edəcək.
C5+1 mexanizmi ABŞ-ın Qazaxıstan, Qırğızıstan, Tacikistan, Türkmənistan və Özbəkistanla əməkdaşlıq platformasıdır.
