Bakı.Trend:
Çexiyanın şimalında yük maşını sərnişin qatarı ilə toqquşub.
Trend xəbər verir
ki, bu barədə CTK informasiya agentliyi məlumat yayıb.
Məlumata görə, insident Prosteyev və Kostelets-na-Qane şəhərləri
arasından keçən dəmiryolu xəttinin nizamlanmayan keçidində baş
verib. Toqquşmadan qatarın birinci vaqonu relslərdən çıxıb.
İnsident nəticəsində səkkiz nəfərin yaralandığı bildirilir.
Qəza vaxtı qatarda 20-dən çox insan olub. Hadisənin səbəbləri
araşdırılır.
