Rusiya-Ukrayna müharibəsində daha 6 azərbaycanlı həlak olub.
Modern.az-ın əldə etdiyi məlumata görə, onlar Rusiya ordusunun tərkibində Ukraynanın Donetsk, Zaporojye və Xarkov vilayətlərində gedən döyüşlər zamanı həyatlarını itiriblər.
Həlak olan şəxslər bunlardır:
– Yaqubov Cəbrayıl Mehman oğlu – 26 avqust 1985-ci ildə anadan olub. Kareliya Respublikasının Kondopoqa şəhərində yaşayıb.
– Mirzəyev Rəşad Müsavat oğlu – 10 dekabr 1984-cü ildə anadan olub. Sverdlovsk vilayətinin Nevyansk şəhərində yaşayıb.
– Hüseynov Tural Məhərrəməli oğlu – 28 mart 1988-ci ildə anadan olub. Ryazan vilayətinin Mixaylov şəhərində yaşayıb.
– Şıxıyev Elmir Polad oğlu – 8 fevral 1997-ci ildə Azərbaycanda anadan olub. Arxangelsk şəhərində yaşayıb.
– Adil Fikrət oğlu Hümmətov – 23 yanvar 1998-ci ildə anadan olub. Oryol vilayətinin Şablykino qəsəbəsində yaşayıb.
– Məmmədov Eldar Sabir oğlu – 9 oktyabr 1968-ci ildə anadan olub. Tatarıstan Respublikasının Kazan şəhərində yaşayıb.
Məlumata görə, sözügedən şəxslər Donetsk və Zaporojye vilayətləri istiqamətində aparılan döyüş əməliyyatları zamanı həlak olublar.
Bununla da Rusiya-Ukrayna müharibəsində həyatını itirən azərbaycanəsilli şəxslərin sayı daha da artıb.
