Bakı. Trend:
Koreya Respublikası milli komandası dünya çempionatının qrup
mərhələsinin ilk turunda Çexiyanı 2:1 hesabı ilə məğlub edib.
Trend-in
məlumatına görə, görüş Meksikanın Qvadalaxara şəhərində
keçirilib.
Qalib komandanın heyətində qolları Hvan İn Bom (67-ci dəqiqə) və
O Hyon Gyu (80-ci dəqiqə) vurublar. Məğlub olan komandanın yeganə
qoluna isə Ladislav Kreyçi (59-cu dəqiqə) imza atıb.
Hvan İn Bomun aktivində həmçinin məhsuldar ötürmə də var.
Koreyalıların qələbə qolundan üç dəqiqə əvvəl çexiyalılar rəqib
qapısına yol tapsalar da, Tomaş Souçekin qolu ofsayd səbəbindən
qeydə alınmayıb.
