Ermənistanda “Qartal tərəfdaş-2026” adlı hərbi təlimlər başlayıb.
Modern.az xəbər verir ki, təlimlər iyunun 17-dən 25-dək keçiriləcək. Bu, Ermənistan və ABŞ arasında uzunmüddətli müdafiə əməkdaşlığına əsaslanan və beynəlxalq sülhməramlı missiyalara hazırlığı dəstəkləyən dördüncü illik təlimdir.
Bu il təlim iştirakçılarının sayı genişlənib. Təlimlərdə Ermənistan Silahlı Qüvvələrinin sülhməramlı briqadası, ABŞ-ın Avropa və Afrika Ordusu və Kanzas Milli Qvardiyasının hərbçiləri ilə yanaşı, Fransa və Yunanıstan Silahlı Qüvvələrinin nümayəndələri də iştirak edir.
Birgə çoxtərəfli təlimlər vasitəsilə qarşılıqlı fəaliyyət səviyyəsi artırılır, qabaqcıl təcrübə mübadiləsi təşviq olunur və sülhməramlı qüvvələrin hazırlıq səviyyəsi daha da gücləndirilir.
