Bakı. Trend:
Kanada millisi futbol üzrə dünya çempionatının qrup mərhələsinin
ikinci turunda Qətər yığmasını 6:0 hesabı ilə məğlub edib.
Qarşılaşma Kanadanın Vankuver şəhərində keçirilib.
Qolları Kayl Larin (16-cı dəqiqə), Conatan Devid (29, 45+3 və
90+2-ci dəqiqələr), Natan Saliba (64-cü dəqiqə) vurubдфк. Qətər
millisinin futbolçusu Məhəmməd əl-Mənnai isə 75-ci dəqiqədə topu öz
qapısına göndərib.
Qətər yığmasının heyətində Homam əl-Əmin (33-cü dəqiqə) və Assim
Modibo (53-cü dəqiqə) qırmızı vərəqə alaraq meydandan
kənarlaşdırılıblar. Modibo Kanada millisinin futbolçusu İsmael
Koneyə ciddi ayaq xəsarəti yetirib. Zədələnən oyunçu meydanı
xərəkdə tərk edib.
Kanada millisi 4 xalla B qrupunun turnir cədvəlinə başçılıq
edir. Sonrakı pillələrdə İsveçrə (4 xal), Bosniya və Herseqovina (1
xal) və Qətər (1 xal) qərarlaşıb.
