Prezidentin köməkçisi Hikmət Hacıyev Azərbaycan və Türkmənistan prezidentlərinin Şuşaya birgə səfəri ilə bağlı paylaşım edib.
Modern.az xəbər verir ki, Hikmət Hacıyev “X” sosial şəbəkəsindəki hesabında iki qardaş ölkə liderinin tarixi Şuşa şəhərində birgə gəzintisinin xalqlar arasında mövcud olan möhkəm dostluq bağlarının, ortaq mədəni irsin və qarşılıqlı etimadın bariz ifadəsi olduğunu bildirib.
O qeyd edib ki, bu səfər eyni zamanda Azərbaycan və Türkmənistan arasında strateji tərəfdaşlığın daha da möhkəmləndirilməsinə yönəlmiş ortaq siyasi iradəni əks etdirir.
İki qardaş ölkənin – Azərbaycan və Türkmənistan Prezidentlərinin tarixi Şuşa şəhərində birgə gəzintisi xalqlarımız arasında mövcud olan möhkəm dostluq bağlarının, ortaq mədəni irsin və qarşılıqlı etimadın bariz ifadəsi olmaqla yanaşı, strateji tərəfdaşlığımızın daha da… pic.twitter.com/QfkNDTBHhR
— Hikmet Hajiyev (@HikmetHajiyev) June 23, 2026
