Ermənistan parlamentinin yeni sədri olmağa namizədin adı bu gün açıqlanacaq.
Modern.az xəbər verir ki, bunu iyunun 25-də keçirdiyi brifinqdə Ermənistanın baş naziri Nikol Paşinyan bildirib.
Onun sözlərinə görə, bu gün hakim “Vətəndaş müqaviləsi” Partiyasının iclası keçiriləcək və orada qapalı gizli səsvermə yolu ilə namizədlərdən biri seçiləcək.
“Hazırda adları hallandırılan üç namizəddən biri seçiləcək və bundan sonra həmin şəxsin adını açıqlayacağıq. Namizədləri dinləyəcəyik və qərar qəbul edəcəyik. Həm mən, həm də həmkarlarım seçimimizi gizli səsvermə yolu ilə edəcəyik”, – deyə Paşinyan bildirib.
