Bakı. Trend:
1 iyul 2026-cı il tarixindən etibarən “Coob Ads”
Azərbaycan, Özbəkistan, Gürcüstan, Ermənistan və
Moldovada rəsmi “Google Ads sales representative” təyin
edilib.
Bu təyinat şirkətin beynəlxalq inkişaf strategiyasının məntiqi
davamıdır. İki ildən artıqdır ki, “Coob Ads” (keçmiş Admixer Media)
Qazaxıstan, Serbiya, Sloveniya və Xorvatiyada “Google Ads sales
representative” kimi fəaliyyət göstərərək agentliklərə və
reklamverənlərə lokallaşdırılmış dəstək təqdim edir.
Yeni bazarlara genişlənmə həm “Google Ads sales representative”
proqramının davamlı inkişafını, həm də inkişaf etməkdə olan
rəqəmsal bazarlarda reklamverənlərin lokallaşdırılmış ekspert
dəstəyi, strateji məsləhətlər, tədris təşəbbüsləri və nəticəyönümlü
xidmətlərə artan tələbatını əks etdirir.
Azərbaycan yüksək inkişaf potensialına malik bazardır.
Azərbaycan inkişaf etməkdə olan, yüksək potensiala malik
rəqəmsal bazardır. “DataReportal“ın
məlumatına əsasən, 2025-ci ildə Azərbaycanda internet
istifadəçilərinin sayı 9,23 milyon nəfərə çatıb və
internetdən istifadə səviyyəsi 89% təşkil
edib.
Rəqəmsal iqtisadiyyat onlayn xidmətlərdən istifadənin artması və
elektron ticarətin davamlı genişlənməsi hesabına inkişafını davam
etdirir.
«”Google Coob Ads”i Azərbaycan, Ermənistan, Gürcüstan,
Özbəkistan və Moldovada “Google Ads” üzrə rəsmi satış nümayəndəsi
təyin edib ki, bütün ölçülü şirkətlərə birbaşa ekspert dəstəyi
təqdim olunsun. Bu tərəfdaşlıq Mərkəzi və Şərqi Avropa, eləcə də
Mərkəzi Asiya regionlarında rəqəmsal transformasiyanı və davamlı
inkişafı sürətləndirir. Lokallaşdırılmış dəstək sayəsində şirkətlər
rəqəmsal alətlərə daha geniş çıxış əldə edir, rəqəmsal marketinq və
elektron ticarət üzrə ixtisaslaşmış təlimlərdən faydalanır,
həmçinin süni intellekt əsaslı qabaqcıl reklam həllərindən istifadə
edərək bizneslərini inkişaf etdirirlər. İnanırıq ki, bu tərəfdaşlıq
qeyd olunan bazarlarda əhəmiyyətli iqtisadi təsir yaradacaq və
uzunmüddətli rəqəmsal innovasiyaların inkişafına töhfə verəcək.»–
Jake Norman, “Google”un Mərkəzi və Şərqi Avropa üzrə
Agentliklərlə İş Departamentinin Direktoru.
Bu, bizneslər üçün nə deməkdir
“Coob Ads” Azərbaycanda bizneslərə “Google Ads” performansını
yaxşılaşdırmaq üçün agentliklərə və reklamverənlərə pulsuz peşəkar
dəstək təqdim edəcək. Buraya aşağıdakılar daxildir:
– kampaniyaların başlanması və genişləndirilməsi üzrə strateji
məsləhət xidməti;
– Axtarış, “YouTube” və “Display” üzrə dəstək;
– “Google”un süni intellekt əsaslı kampaniya növlərinin
(Performance Max, AI Max for Search, Smart Bidding) tətbiqi;
– təlim vebinarları, seminarlar və fərdi sessiyalar.
Məqsəd sadədir: şirkətlərə müştəri cəlbetmə xərclərini
azaltmağa, reklam xərclərinin gəlirliliyini (ROAS) artırmağa və “Google”un reklam alətlərindən istifadə etməklə daha effektiv
şəkildə böyüməyə kömək etmək.
«”Coob Ads” olaraq inanırıq ki, reklam yalnız xərc bəndi
deyil, eyni zamanda inkişaf üçün bir mühərrik olmalıdır. Son iki il
ərzində yüzlərlə agentlik və reklamverənə standart kampaniyalardan
real effektivlik və bazar genişlənməsi təmin edən, süni intellektlə
gücləndirilmiş yüksək performanslı strategiyalara keçid etməkdə
dəstək olmuşuq. Biz bu yüksək səviyyəli məsləhət və texniki
üstünlüyü ödənişsiz təqdim edirik və tərəfdaşlarımızın
investisiyalarından daha yüksək gəlir əldə etməsini təmin edirik.
İndi isə bu nəticəyönümlü yanaşmanı yeni bazarlara gətirməkdən və
yerli bizneslərin G”oogle Ads” vasitəsilə inkişaf etməsinə dəstək
verməkdən məmnunuq,»– “Coob Ads”in Qlobal
Proqram Direktoru Mojca Rozac qeyd edib.
Şirkət haqqında
“Coob Ads CoobX” şirkətlər qrupunun bir hissəsidir və əvvəllər “Admixer Advertising” brendi altında fəaliyyət göstərib. 2016-cı
ildən etibarən şirkət “Google Marketing Platform”un rəsmi satış
tərəfdaşıdır və müxtəlif beynəlxalq bazarlarda agentliklərə və
reklamverənlərə “Display & Video 360”, “Campaign Manager 360” və “Search Ads 360” daxil olmaqla əsas məhsullar üzrə qabaqcıl
rəqəmsal alətlərə və texniki dəstəyə çıxış təqdim edir.
İllər ərzində şirkət 10-dan çox ölkəyə genişlənərək yerli
komandalar formalaşdırıb və müxtəlif rəqəmsal bazarlarda praktiki
təcrübə qazanıb.
2026-cı ildə şirkət “CoobX” brendi altında rebrendinq həyata
keçirib və media, marketinq, data və texnologiyanı birləşdirən daha
geniş inteqrasiya olunmuş ekosistem kimi mövqeyini gücləndirib.
Başlamaq üçün
Azərbaycandakı agentliklər və reklamverənlər “Google Ads”
kampaniyalarının planlaşdırılması, başlanması və
optimallaşdırılması üzrə pulsuz məsləhət və ekspert dəstəyi almaq
üçün Coob Ads ilə
əlaqə saxlaya bilərlər.
Mətbuat əlaqələri
Google – [email protected]
CoobX – [email protected]
