Portuqaliya milli komandasının baş məşqçisi Roberto Martinez vəzifəsindən ayrıldığını açıqlayıb.
Modern.az-ın məlumatına görə, Dünya Çempionatının 1/8 final mərhələsində Portuqaliyanın İspaniyaya minimal hesabla məğlub olmasından sonra Martines istefa verdiyini bəyan edib.
“Buraya dünya çempionu olmaq üçün gəlmişdim. Bu uğura nail ola bilməmişiksə, davam etməyin mənası yoxdur”, – deyə o bildirib.
Roberto Martines 2023-cü ildən Portuqaliya yığmasına rəhbərlik edirdi. O, Portuqaliya millisi ilə 2024/25 mövsümündə UEFA Millətlər Liqasının qalibi olub.
