Qazaxıstanda Prezident Kasım-Jomart Tokayevin əvvəlki prezidentlik müddətləri hüquqi baxımdan nəzərə alınmayacaq.
Modern.az xəbər verir ki, bu barədə Qazaxıstan Konstitusiya Məhkəməsinin qərarında bildirilib.
Qərara əsasən, 2026-cı il Konstitusiyası qüvvəyə mindikdən sonra 1995-ci il Konstitusiyasına uyğun olaraq dövlət vəzifələrini tutan şəxslər yeni Konstitusiyanın qüvvəyə minməsindən sonra həmin vəzifələrə yenidən seçilə və ya təyin oluna bilərlər.
Bu qərar Prezident Kasım-Jomart Tokayevə növbəti prezident seçkilərində yenidən namizəd olmaq imkanı yaradır.
Qeyd edək ki, iyulun 1-dən Qazaxıstanda yeni Konstitusiya qüvvəyə minib. Yeni redaksiyaya əsasən, ölkə prezidenti 7 il müddətinə seçilir və eyni şəxs bu vəzifəyə iki dəfə seçilə bilməz. Bununla belə, Konstitusiya Məhkəməsinin izahı Tokayevin əvvəlki prezidentlik müddətlərinin yeni konstitusion qaydalar çərçivəsində hesablanmayacağını göstərir.
