Bakı.Trend:
Bakı–Tbilisi–Bakı marşrutu üzrə qatarla 10 iyuldan 6 avqusta
qədər ümumilikdə 5 500-ə yaxın bilet satışa təqdim olunub.
Trend-in
tədbirdəki əməkdaşı xəbər verir ki, bunu ADY-nin Sərnişin
daşımaları departamentinin rəisi Azər Fərəcov Bakı–Tbilisi–Bakı
qatarında yeniliklərlə bağlı keçirilən brifinqdə jurnalistlərə
açıqlamasında deyib.
O bildirib ki, sərnişinlər biletləri həm onlayn, həm də
kassalardan əldə edə bilərlər.
“10 iyul 2026-cı il tarixindən etibarən Bakı–Tbilisi–Bakı
beynəlxalq marşrutu üzrə hərəkət edən qatarların tərkibinə əlavə 3
ədəd yataq tipli vaqon (hazırda ölkədaxili marşrutda istifadə
olunan standart+ sinif vaqonlar) qoşulacaq. Hazırda qatarlarda olan
178 yer 282-yə çatdırılacaq. Əlavə üç vaqonda ümumilikdə 104 yer
olacaq. Bununla da bir qatarın sərnişin tutumu təxminən 60 faiz
artırılır”, – deyə o bildirib.
A.Fərəcov qeyd edib ki, əlavə yerlər üzrə biletlər artıq satışa
çıxarılıb.
