İsrailin Baş naziri Benyamin Netanyahu ABŞ-nin Türkiyəyə F-35 qırıcıları satmasına qarşı çıxıb.
Metbuat.az xəbər verir ki, Netanyahu CNN-ə açıqlamasında bildirib ki, Türkiyəyə F-35-lərin verilməsi Yaxın Şərqdə güc balansını pozacaq.
“Bu, Yaxın Şərqdə güc balansını məhv edər. Çünki Türkiyənin aqressiv məqsədlərinin olduğunu düşünürəm. Onlara bu gücü verdiyiniz zaman bunun ardınca aqressiya görəcəksiniz”, – deyə o bildirib.
Netanyahu həmçinin ABŞ-nin ən müasir döyüş təyyarələrini Türkiyəyə satmasının bu ölkəni Vaşinqtonun dostuna çevirməyəcəyini iddia edib.
Qeyd edək ki, ABŞ Prezidenti Donald Tramp NATO Zirvəsi çərçivəsində Türkiyə Prezidenti Rəcəb Tayyib Ərdoğanla görüşündə F-35 qırıcılarının Türkiyəyə satışının nəzərdən keçiriləcəyini açıqlamışdı.
