Bakı.Trend:
Uelsli məşhur müğənni Bonni Tayler 75 yaşında Portuqaliyada
yerləşən xəstəxanada vəfat edib.
Sənətçi son aylarda səhhətində yaranmış ciddi problemlərlə
mübarizə aparırdı. O, may ayında təcili bağırsaq əməliyyatı
keçirib, daha sonra süni komaya salınıb. O, iyun ayında komadan
ayılsa da, vəziyyəti ağır olaraq qalırdı.
Əsl adı Qeynor Hopkins olan Bonni Tayler 1970-ci illərin sonu və
1980-ci illərdə “Total Eclipse of the Heart”, “Holding Out for a
Hero” və “It’s a Heartache” kimi hitləri ilə dünya şöhrəti qazanıb.
Onun xarakterik xırıltılı səsi musiqi aləmində fərqləndirici
xüsusiyyətlərindən biri hesab olunurdu. Sənətçi uzun illər ərzində
milyonlarla albom satıb, bir neçə “Qremmi” mükafatına namizəd
göstərilib və 2022-ci ildə musiqiyə xidmətlərinə görə Britaniya
İmperiyası ordeni ilə təltif edilib.
