BƏƏ-də həbsdə olan 55 iranlı balıqçı ölkəsinə qaytarılır.
“Mehr”in xəbərinə görə, İranın Əbu-Dabidəki səfirliyi indiyə qədər 14 balıqçının İrana qayıtdığını bildirib.
Daha 11 nəfərin qaytarılması isə növbəti günlərdə Dubay-Məşhəd təyyarə reysləri ilə həyata keçiriləcək.
Bildirilib ki, sözügedən 55 balıqçı son aylarda GPS sistemlərinin xarab olması nəticəsində dənizdə yolu itirərək BƏƏ sahil-mühafizə qüvvələri tərəfindən saxlanılıblar.
