İranın Şiraz şəhəri ilə Birləşmiş Ərəb Əmirliklərinin (BƏƏ) Dubay şəhəri arasında hava əlaqəsi 5 aylıq fasilədən sonra yenidən bərpa edilib.
Modern.az xəbər verir ki, bu barədə İranın “Tasnim” agentliyi ölkənin Fars vilayətinin Hava Limanları İdarəsinin rəsmisinə istinadən məlumat yayıb.
Bəyanatda qeyd olunur ki, uçuş şəbəkəsinin genişləndirilməsi və beynəlxalq istiqamətlərin sayının artırılması çərçivəsində Dubay-Şiraz-Dubay marşrutu üzrə müntəzəm reyslər 5 aylıq fasilədən sonra yenidən fəaliyyətə başlayıb.
