Şəmkirdə yeniyetmə Kür çayında batıb.
APA-nın yerli bürosunun məlumatına görə, hadisə Kür çayının Şəmkir rayonu ərazisindən keçən hissəsində qeydə alınıb.
Belə ki, Gədəbəy rayon sakini, 2010-cu il təvəllüdlü C.Tağlı atası ilə birlikdə Kür çayında çimən zaman suda batıb. Yeniyetmə ətrafdakı şəxslərin köməyi ilə sudan çıxarılaraq xəstəxanaya çatdırılıb.
Xəstəxanadan APA-ya bildirilib ki, C.Tağlının vəziyyəti ağırdır.
Məlumata görə, 16 yaşlı yeniyetmə atası ilə birlikdə istirahət məqsədilə Kür çayının sahilinə gəlibmiş.
Hadisə yerinə aidiyyəti qurumların əməkdaşları cəlb olunub.
Faktla bağlı araşdırma aparılır.
