“Atam mənim dünyam idi. Anam vəfat etdikdən sonra o, bizə görə bir daha evlənmədi, ailə qurmadı. Başqa qadını evimizə gətirmədi.Həyatını övladlarına həsr etdi”.
Modern.az xəbər verir ki, bu sözləri vida mərasimində çıxış edən Nəriman Həsənzadənin oğlu Nazim Həsənzadə deyib.
Atası ilə bağlı xatirələrini bölüşən Nazim Həsənzadə Azərbaycanın Birinci vitse-prezidenti Mehriban Əliyevaya minnətdarlığını bildirib və qeyd edib ki, birinci xanım tez-tez atasının səhhəti ilə maraqlanıb, ona xüsusi diqqət və qayğı göstərib.
