Bakı. Trend:
Avqustun 3-də Qaradağ rayonu, Ələt qəsəbəsi ərazisində dənizin
nəzarətsiz hissəsində iki nəfərin boğulması ilə nəticələnən faciə
baş verib.
Trend-in
məlumatına görə, 1990-cı il təvəllüdlü Aris Əfqan oğlu Əlihəsənov
və onun qardaşı oğlu, 2011-ci il təvəllüdlü Həsən Asif oğlu
Əlihəsənov dənizdə çimərkən suda boğulublar.
Aris Əlihəsənovun meyiti sudan çıxarılaraq aidiyyəti üzrə təhvil
verilib. Həsən Əlihəsənovun meyitinin axtarışları isə Fövqəladə
Hallar Nazirliyinin əməkdaşları tərəfindən davam etdirilir.
Faktla bağlı Rayon Prokurorluğunda araşdırma aparılır.
