Bakı. Trend:
Zəlzələnin episentri yerli vaxtla saat 05:58-də Flores adasının
sahilləri yaxınlığında, nisbətən dayaz dərinlikdə qeydə alınıb.
ABŞ Geoloji Xidmətinin (USGS) məlumatına görə, şənbə günü səhər
İndoneziyanın şərqində 7,7 maqnitudalı güclü zəlzələ baş verib.
USGS-in bildirdiyinə görə, yerli vaxtla saat 05:58-də (Paris vaxtı
ilə 23:58) Flores adasının sahilləri yaxınlığında, dayaz dərinlikdə
baş verən zəlzələnin episentri Şərqi Nusa Tenqara əyalətində
yerləşən Ende şəhərindən 68 kilometr məsafədə olub.
Geniş İndoneziya arxipelaqı “Sakit okeanın odlu halqası”
üzərində yerləşdiyinə görə burada tez-tez seysmik və vulkanik
aktivlik müşahidə olunur.
İyulun əvvəlində arxipelaqın şərqində 6,2 maqnitudalı zəlzələ
baş vermiş, hadisə nəticəsində ölən və ciddi dağıntıya məruz qalan
olmamışdı.
2018-ci ildə isə təxminən 400 min əhalisi olan və Mərkəzi
Sulavesi əyalətinin paytaxtı Palu şəhərində 7,5 maqnitudalı zəlzələ
baş vermiş, ardınca sunami qeydə alınmışdı. Həmin təbii fəlakət
nəticəsində 2 200 nəfər həlak olmuşdu.
