Moldova Prezidenti Maya Sandu bəzi dronların ölkənin hava məkanına təsadüfən, digərlərinin isə qəsdən daxil olduğunu bildirib.
Bu barədə Sandu “Teleradio Moldova”nın efirində deyib.
O, Rusiyanın bəzi dronları təkcə Moldovaya deyil, regionun digər ölkələrinə də göndərdiyini iddia edib. Sandunun sözlərinə görə, dronların uçuş trayektoriyasını təhlil etməklə onların qəsdən göndərilib-göndərilmədiyini müəyyən etmək mümkündür.
Moldova Prezidenti Rumıniya və Polşanın hava məkanında da oxşar halların qeydə alındığını bildirib.
