Bakı. Trend:
Serbiya prezidenti Aleksandar Vuçiç növbədənkənar parlament
seçkilərinin 2026-cı ilin oktyabr ayının sonunda keçiriləcəyini
açıqlayıb.
Bu barədə Aleksandar Vuçiç Serbiya Radio və Televiziyasının
efirində bildirib.
“Hazırkı vəziyyətə görə, parlament seçkiləri Serbiyada ya
oktyabrın 18-də, ya da 25-də keçiriləcək”, – deyə o bildirib.
Bundan əvvəl Serbiya prezidenti parlament seçkilərinin 2026-cı
ilin oktyabr və ya noyabr aylarında keçiriləcəyini açıqlamışdı. A.
Vuçiç hakim Serbiya Tərəqqi Partiyasının qələbə qazanacağına ümid
edir və bu halda baş nazir vəzifəsini tuta bilər.
