Bakı. Trend:
Güclü külək Bakıda 15 ağacı sındırıb.
Bakı Şəhər Yaşıllaşdırma Təsərrüfatı Birliyindən verilən
məlumata görə, sentyabrın 7-si gündüz saatlarından əsən güclü külək
nəticəsində 15 ağac sınıb, 20 ağacın budaqları qırılıb.
Bildirilib ki, sınan ağaclar və qırılan budaqlar Bakı Şəhər
Yaşıllaşdırma Təsərrüfatı Birliyinin növbətçi briqadaları
tərəfindən operativ şəkildə götürülüb, ərazi təmizlənib.
“Bakı Şəhər Yaşıllaşdırma Təsərrüfatı Birliyinin əməkdaşları
gücləndirilmiş iş rejimində çalışırlar”, – deyə məlumatda qeyd
edilib.
