Bakı.Trend:
Belarus ordusunda yoxlamalar davam etdiriləcək, o cümlədən
səfərbərlik hazırlığının yoxlanılması planlaşdırılır.
Bu barədə Belarus Prezidenti Aleksandr Lukaşenko cümə günü Brest
vilayətindəki “Obuz-Lesnovski” ümumqoşun poliqonunda jurnalistlərə
açıqlamasında bildirib.
“Mən artıq sadə dildə demişəm: ordunu silkələmək lazımdır, bunun
vaxtı çatıb. Bütün ordunu. Hamını yoxlayacağıq. Səfərbərliyə
qədər”, – deyə dövlət agentliyi BelTA Lukaşenkonun sözlərini sitat
gətirib.
Belarus Prezidenti hazırda onun tapşırığı ilə artilleriya
briqadasının yoxlanıldığını, bundan əvvəl isə tank və motoatıcı
bölmələrin yoxlanıldığını xatırladıb.
