Bakı. Trend:
“Bavariya”nın hücumçusu Harri Keyn Bundesliqa rekordu
müəyyənləşdirib.
İngiltərə millisinin kapitanı çempionatın 4-cü turunda “Union”la
oyunda (7:0) penaltini dəqiq yerinə yetirib. Bu, onun turnirdə
100-cü qolu olub.
İngilis futbolçu Bundesliqada 100 qola tarixdə ən tez çatan
oyunçu olub – buna cəmi 98 oyun lazım gəlib. Əvvəlki rekord
“Köln”də çıxış etmiş Diter Müllərə məxsus idi – 129 oyun.
