Bakı. Trend:
İki dəqiqə ərzində vurulan iki avtoqol “İnter”ə A Seriyasında
“Venezia” üzərində qələbə qazandırıb
Oktyabrın 28-də, çərşənbə günü İtaliya A Seriyasının
2026/2027-ci il mövsümünün 9-cu turu çərçivəsində “Venezia” və
Milanın “İnter” komandaları arasında oyun keçirilib. Venesiyada
yerləşən “Pyercuici Penzo” stadionunda baş tutan qarşılaşma
qonaqların 2:0 hesablı qələbəsi ilə başa çatıb. Matçı Luka
Payrettonun rəhbərlik etdiyi hakimlər briqadası idarə edib.
“Venezia”nın futbolçuları iki dəqiqə ərzində iki avtoqol
vurublar. Matçın 80-ci dəqiqəsində venesiyalıların ispaniyalı
müdafiəçisi Matias Moreno topu uğursuz şəkildə öz qapısına
göndərərək hesabı açıb. Cəmi iki dəqiqə sonra, 82-ci dəqiqədə
meydan sahiblərinin digər müdafiəçisi Reduan Xalal da avtoqola imza
atıb və “neradzurri”nin 2:0 hesablı yekun qələbəsini
rəsmiləşdirib.
İtaliya A Seriyasının 2026/2027-ci il mövsümünün 9-cu turu
çərçivəsində oktyabrın 28-də, çərşənbə günü “Milan” və “Bolonya”
komandaları arasında oyun keçirilib. Milanda yerləşən “San-Siro”
(“Cüzeppe Meatssa”) stadionunda baş tutan qarşılaşma qonaqların 4:2
hesablı qələbəsi ilə başa çatıb. Matçı Xuan Luka Sakkinin rəhbərlik
etdiyi hakimlər briqadası idarə edib.
Qonaqlar artıq görüşün 8-ci dəqiqəsində hesabı açıblar.
“Bolonya”nın belçikalı hücumçusu Samuel Mbangula Nadir Zorteanın
ötürməsindən sonra topu meydan sahiblərinin qapısından keçirib.
14-cü dəqiqədə Alfadjo Sisse hesabı bərabərləşdirib, 27-ci
dəqiqədə isə Fikayo Tomorinin ötürməsindən sonra “rossoneri”ni önə
çıxarıb.
61-ci dəqiqədə milanlıların müdafiəçisi Davide Bartesaqi topu öz
qapısına göndərib. 62-ci dəqiqədə Xuan Mirandanın ötürməsindən
sonra Mbanqula dubl edib. Bundan 24 dəqiqə sonra isə Mbanqula
matçda üçüncü qolunu vuraraq komandasına qələbə qazandırıb.
