Bakı. Trend:
İranın xarici işlər naziri Abbas Əraqçinin Pakistana səfəri
zamanı ABŞ nümayəndələri ilə hər hansı görüş keçirməsi
planlaşdırılmır.
Trend xəbər verir ki, bu
barədə İran Xarici İşlər Nazirliyinin (XİN) sözçüsü İsmayıl Bəqai
bildirib.
O, X sosial şəbəkəsində yazıb: “İranla ABŞ arasında heç bir
görüş planlaşdırılmır, çünki İranın mövqeyi Pakistana
çatdırılacaq”. Bəqai qeyd edib ki, Əraqçi yalnız İslamabadın Yaxın
Şərqdəki münaqişənin dayandırılması istiqamətində vasitəçilik
səyləri çərçivəsində Pakistanın yüksəkvəzifəli rəsmiləri ilə
görüşəcək.
