Bakı.Trend:
“Anglo Asian Mining” şirkəti 2025-ci ildə Azərbaycan hökumətinin
payı nəzərə alınmadan ümumilikdə 19 631 unsiya qızıl satışı həyata
keçirib.
Trend bu barədə
şirkətə istinadən məlumat verir.
İl ərzində satışların rüblük dinamikası sabit dalğalanmalar
nümayiş etdirib. Belə ki, 2025-ci il martın 31-də başa çatan
birinci rübdə qızıl satışı 4 753 unsiya təşkil edib, ikinci rübdə 5
028 unsiyaya, üçüncü rübdə isə 5 181 unsiyaya yüksəlib. Bundan
sonra dördüncü rübdə göstərici 4 669 unsiyaya enib.
2025-ci ildə qızılın orta satış qiyməti hər unsiya üçün 3 411
dollar olub. Eyni zamanda, rüblük dinamika əhəmiyyətli volatilliyi
əks etdirib: birinci rübdə 2 843 dollar olan göstərici ikinci rübdə
3 299 dollara, üçüncü rübdə 3 430 dollara yüksəlib, ilin sonunda
isə kəskin artaraq unsiya üçün 4 214 dollara çatıb.
Bununla yanaşı, 2025-ci ildə dore ərintisindən istehsal olunan
qızıl külçələrinin həcmi 22 329 unsiya təşkil edib. Rüblər üzrə
istehsal belə bölünüb: birinci rübdə 5 758 unsiya, ikinci rübdə 5
624 unsiya, üçüncü rübdə 5 814 unsiya, dördüncü rübdə isə 5 133
unsiya.
