Bakı.Trend:
Kariyerası ərzində bir çox uğurlara imza atan, güləş üzrə 4 qat
Avropa və 3 qat dünya çempionu Hacı Əliyevə mayor rütbəsi
verilib.
Trend xəbər
verir ki, bu barədə idmançının özü “İnstagram” hesabında paylaşım
edib.
“Dövlət Sərhəd Xidmətinin rəisi general-polkovnik Elçin Quliyev
tərəfindən mayor rütbəsinə layiq görülmək mənim üçün böyük şərəf və
məsuliyyətdir.
Göstərilən etimada görə təşəkkür edir, Vətənə xidmət yolunda
daha böyük əzmlə çalışacağımı bildirirəm. Azərbaycan Respublikasına
xidmət edirəm”,-deyə paylaşımda qeyd edilib.
