Pakistanın Baş naziri Şahbaz Şərif və xarici işlər naziri Məhəmməd İshaq Dar 5-ci Antalya Diplomatiya Forumunda (ADF) iştirak etmək üçün Türkiyədə səfərdədirlər.
Modern.az xəbər verir ki, bu barədə İshaq Dar X sosial şəbəkə hesabında məlumat paylaşıb.
“Səmimi qarşılama və türk qonaqpərvərliyinə görə minnətdarıq”, – nazir bildirib.
Pakistanın xarici işlər naziri qeyd edib ki, ADF çərçivəsində maraqlı görüşlər gözlənilir: “Panel müzakirələri, həmkarlarla görüşlər və əsas regional, qlobal problemlər üzrə konstruktiv fikir mübadiləsi ilə dolu bir proqramımız var”.
