Bakı. Trend:
AZCON Holding-in icraçı direktoru Şahin Babayev ölkəmizdə
səfərdə olan Birləşmiş Ərəb Əmirliklərinin Əbu-Dabi Limanlar
Qrupunun (AD Ports Group) Mərkəzi Asiya və Şərqi Avropa üzrə
regional icraçı direktoru Əbdüləziz Zayed Əl-Şəmsinin rəhbərlik
etdiyi nümayəndə heyəti ilə görüş keçirib.
Görüş zamanı nəqliyyat və logistika infrastrukturu üzrə
əməkdaşlıq imkanları müzakirə edilib. Bununla yanaşı, logistika
sahəsində rəqəmsal həllərin tətbiqinə dair danışıqların mövcud
vəziyyəti nəzərdən keçirilib, birgə investisiya imkanları ilə bağlı
təkliflər ətrafında fikir mübadiləsi aparılıb.
