Bakı. Trend:
Xəbər verdiyimiz kimi, Prezident İlham Əliyev imzaladığı
Sərəncamla Nurəli Adil oğlu Yusifbəyli Sumqayıt Dövlət
Universitetinin rektoru təyin edilib.
Trend rektor
təyin edilən Nurəli Yusifbəylinin dosyesini təqdim edir.
Nurəli Yusifbəyli 28 mart 1963-cü ildə Azərbaycanda anadan olub.
1980-ci ildə Kiyev Politexnik İnstitutu-nun Elektroenergetika
fakültəsinə daxil olmuş, 1986-cı ildə “Elektrik sistemlərinin
kibernetikası” ixtisası üzrə ali təhsilini başa vurub. 1990–1994-cü
illərdə Azərbaycan Elmi-Tədqiqat Energetika İnstitutunun
aspiranturasında təhsil alıb. 1997-ci ildə namizədlik, 2004-cü ildə
isə doktorluq dissertasiyasını müdafiə edib. Texnika elmləri
doktoru, professordur.
1986–1989-cu illərdə Sumqayıt 1 saylı İstilik Enerji Mərkəzində
müxtəlif vəzifələrdə çalışıb. 1989–2002-ci illərdə Azərenerji
sistemində dispetçer, baş dispetçer, baş mühəndisin müavini və
digər rəhbər vəzifələrdə fəaliyyət göstərib. 2002–2009-cu illərdə
Mərkəzi Dispetçer İdarəsinin rəisi, 2009–2012-ci illərdə Energetika
üzrə Elmi-Tədqiqat və Layihə İnstitutunun direktoru olub.
2012–2014-cü illərdə Azərbaycan Respublikası İqtisadiyyat və Sənaye
Nazirliyində müxtəlif rəhbər vəzifələrdə çalışıb.
2015-ci ildə Alternativ və Bərpa Olunan Enerji Mənbələri üzrə
Dövlət Agentliyi sədrinin müavini təyin edilib, 2020-ci ildə
vəzifəsindən azad olunub. 2021-ci ildən Azərbaycan Texniki
Universiteti-nin Tədris işləri üzrə prorektoru vəzifəsində
fəaliyyət göstərib.
Ailəlidir, iki övladı var.
