Bakı. Trend:
2026-2027-ci tədris ili üzrə ümumi təhsil müəssisələrinin
birinci siniflərinə şagird qəbulu çərçivəsində rus bölməsi üzrə
prioritet hüququ olan uşaqlar üçün məktəb seçimi 25 iyun 2026-cı il
saat 18:00-da başa çatır.
Trend
Məktəbəqədər və Ümumi Təhsil üzrə Dövlət Agentliyinə istinadən
xəbər verir ki, prioritetlər üzrə üstünlüyü olmayan uşaqlar üçün
müsabiqəyə qeydiyyatın aparılması da sabah saat 18:00-da başa
çatır.
Prioritet üstünlüyü olmayan uşaqlar üçün müsabiqəyə qeydiyyat
aşağıdakı təhsil müəssisələri üzrə aparılır:
İ.Əfəndiyev adına Elitar gimnaziya;
Bakı Slavyan Universiteti nəzdində məktəb-lisey kompleksi;
T.Həsənov adına 23 nömrəli tam orta məktəb;
132-134 nömrəli Təhsil Kompleksi;
T.İsmayılov adına 6 nömrəli məktəb-lisey;
“Zəngi” liseyi.
Qeyd edək ki, rus bölməsi üzrə prioritet hüququ olan uşaqlar
üçün məktəb seçimi və prioritet üstünlüyü olmayan uşaqlar üçün
müsabiqəyə qeydiyyat prosesi 17 iyun 2026-cı il saat 11:00-dan
başlamışdı.
