Türkiyə Konstitusiya Məhkəməsi (AYM) boşanmış həyat yoldaşına müddətsiz aliment ödənilməsini nəzərdə tutan hüquqi normanı səs çoxluğu ilə ləğv edib.
Modern.az “TRT”ə istinadən xəbər verir ki, Qərar Antalya 12-ci Ailə Məhkəməsinin müraciəti əsasında müzakirəyə çıxarılıb. Söhbət Türkiyə Mülki Məcəlləsinin 175-ci maddəsində nəzərdə tutulan yoxsulluq alimentinin müddətsiz verilməsi ilə bağlı müddəadan gedir.
Ali Məhkəmə sözügedən normanın ləğvinə qərar verib. Qərarın qüvvəyə minməsi isə 9 ay sonra baş tutacaq. Məhkəmə qərarın əsaslandırılmış hissəsinin daha sonra açıqlanacağını bildirib.
Qeyd edək ki, hazırda qüvvədə olan 175-ci maddəyə əsasən, boşanma nəticəsində yoxsulluğa düşəcək tərəf, daha ağır təqsirli olmamaq şərti ilə digər tərəfdən maddi dəstək tələb edə bilirdi.
