Ukraynanın Xarkov şəhərində Rusiya aviazərbəsi nəticəsində faciəvi şəkildə həlak olan azərbaycanlı tələbə Fatimə Hüseynovanın nəşi Azərbaycana yola salınıb.
Bu barədə Modern.az-a Ukrayna Azərbaycanlıları Birləşmiş Diasporunun mətbuat katibi Qalib Osmanlı məlumat verib.
Xatırladaq ki, ötən gün Rusiya Ukraynanın Xarkov şəhərinə raket və dron hücumu həyata keçirib. Hadisə zamanı Xarkov Tibb Universitetinin altıncı kurs tələbəsi, 23 yaşlı Fatimə Hüseynova həyatını itirib.
