Bakı. Trend:
Şimali Makedoniyanın Skopye şəhərində güləş üzrə U-20 Avropa
çempionatı davam edir.
Azərbaycan Güləş Federasiyasının məlumatına görə, beşinci yarış
günündə qadın güləşi üzrə mübarizəyə yekun vurulub.
Ruzanna Məmmədova (62 kq) finalda türkiyəli Özdenur Özmezlə
qarşılaşıb. Rəqibinə 6:0 hesabı ilə qalib gələn həmyerlimiz
titulunu qoruyub. Bununla da Ruzanna Azərbaycan güləşi tarixində
U20 yaş qrupunda 3 qat Avropa çempionu olan ilk qadın güləşçi
ünvanına sahib çıxıb.
Zəhra Kərimzadə (72 kq) isə gərgin mübarizə şəraitində keçən
bürünc medal görüşündə Türkiyənin digər təmsilçisi İlayda Çinə 9:11
hesabı ilə məğlub olaraq 5-ci yerlə kifayətlənib.
