Bakı. Trend:
Macarıstanın paytaxtı Budapeştdə keçirilən güləş üzrə ilin son
reytinq turniri davam edir.
Azərbaycan təmsilçisi Əli Tsokayev (92 kq) finalda ukraynalı
Muxammed Əliyevin zədə səbəbindən görüşə çıxmaması nəticəsində
qızıl medala sahib çıxıb.
Digər idmançımız Gültəkin Şirinova (55 kq) isə üçüncü yer
uğrunda qarşılaşmada kanadalı Karla Qonzalesə 0:5 hesabı ilə
uduzaraq turniri medalsız başa vurub.
