Bakı.Trend:
Fransa Prezidenti Emmanuel Makron bildirib ki, ölkə
genişmiqyaslı meşə yanğınları səbəbindən misli görünməmiş
vəziyyətlə üzləşib və baş verənləri İkinci Dünya müharibəsindən
bəri ən ağır sınaq adlandırıb.
Fransa mediasının məlumatına görə, Bordo şəhərində çıxış edən
fransalı lider, cari meşə yanğınları dalğasının ölkənin müasir
tarixində analoqunun olmadığını dilə gətirib.
“Biz tamamilə misli görünməmiş yanğınla üz-üzəyik. İndiyədək
qeydə alınmış ən ağır vəziyyəti yaşayırıq – bu, İkinci Dünya
müharibəsindən bəri ən ağır vəziyyətdir,” – deyə Makron
bildirib.
Prezident Fransa vətəndaşlarını birlik və qarşılıqlı dəstəyə
çağıraraq, yaxın həftələrin son dərəcə çətin keçəcəyini xəbərdar
edib. Onun sözlərinə görə, hakimiyyət orqanları yanğınlarla
mübarizə aparmaq və əhalinin təhlükəsizliyini təmin etmək üçün
bütün zəruri resursları səfərbər etməyi davam etdirir.
