Bakı.Trend:
ABŞ Silahlı Qüvvələrinin Mərkəzi Komandanlığı (CENTCOM) ABŞ
hərbçilərinin Panama bayrağı altında üzən “M/V Vela Nova” gəmisinin
İran istiqamətində Oman körfəzindən keçməyə cəhd göstərdiyi zaman
ona atəş açdığını təsdiqləyib.
Bu barədə CENTCOM rəsmi “X” səhifəsində məlumat yayıb.
Hadisə yük gəmisinin ABŞ-nin İrana tətbiq etdiyi blokadanı
yarmaq cəhdi zamanı baş verib.
“ABŞ Hərbi Dəniz Qüvvələrinə məxsus MH-60 helikopteri gəminin
mülki ekipajı ABŞ qüvvələrinin təkrar xəbərdarlıqlarına məhəl
qoymadıqdan sonra Vela Nova gəmisinin mühərrik bölməsinə iki
Hellfire raketi atıb. Gəmi artıq ABŞ-nin İrana tətbiq etdiyi və tam
qüvvədə qalan blokadanı pozaraq İrana doğru hərəkət etmir”,-deyə
məlumatda qeyd olunur.
Avqustun 11-nə olan məlumata görə, CENTCOM qüvvələri blokadadan
yan keçməyə çalışan 55 kommersiya gəmisinin istiqamətini
dəyişdirib, tələblərə tabe olmayan üç gəmini sıradan çıxarıb və iki
gəminin göyərtəsinə daxil olaraq yoxlama aparıb.
